Kryeministri Hashim Thaçi, ka thënë se i është konfirmuar njohja e Republikës së Kosovës si shtet i pavarur dhe sovran nga Katari.

Lajmi është dhënë pas vizitës së tij në këtë vend ku ka zhvilluar një sërë takimesh me zyrtarët e lartë të këtij shteti, ndërsa në orët e mbrëmjes është takuar me mbretin Sheik Abdullah bin Khalifa Al Thani.

Agjencia e lajmeve telegraf thotë se ftesa i është bërë kryeministrit Thaçi për t’i kumtuar shpalljen e njohjes së pavarësisë së Kosovës.

Thaçi ka thënë se konfirmimin e ka marrë nga kryeministri dhe princi i këtij vendi, të cilët kanë theksuar se çështja e njohjes së pavarësisë është e kryer, ndërsa tani vetëm pritet që të formalizohet sipas procedurave që ka shteti i tyre.

Kryeministri ka thënë se pas Katarit, Kosovën do ta njohin shumë shpejtë edhe dy shtete tjera të atij rajoni, bëhet fjalë për Kuvajtin dhe Omanin.

Ky konfirmim vjen pikërisht pas katër ditësh, kur Kosova u njoh nga Republika e Hondurasit.
 

< Paraprake		Pasuese >