Bujar Bukoshi, ka shpallur sot kandidaturën për kryetar të Lidhjes Demokratike të Kosovës.

Këtë kandidaturë ish-kryeministri i Kosovës në ekzil, e bëri publike pas përfundimit të seancës solemne të Kuvendit të Kosovës për nder të 100-vjetorit të lindjes së Nënës Terezë.

Ai tha se tashmë e ka bërë ekipin e tij për zgjedhje, në të cilin është edhe kryetari i Prishtinës Isa Mustafa, ndërsa pohoi se e ka përkrahjen edhe të Ukë Rugovës, djalit të dytë të ish-presidentit Ibrahim Rugova.
Bujar Bukoshi ishte njëri nga themeluesit e Lidhjes Demokratike të Kosovës, në dhjetor të vitit 1989, dhe anëtar i Kryesisë së parë të saj.

< Paraprake		Pasuese >