Zyrtarë të Bashkimit Evropian kanë thënë se zgjidhja më e mirë në AP të OKB –së do të ishte tërheqja e plotë e rezolutës serbe dhe kanë shfaqur shpresën për arritjen e një kompromisi me qeverinë serbe.

BBC raporton se një presion diplomatik është bërë mbi Beogradin në javën e fundit, përmes ministrave të jashtëm të Gjermanisë dhe Britanisë së Madhe, që i kanë bërë të ditur Serbisë se rruga e saj drejt Bashkimit Evropian mund të vështirësohet në rast të mosarritjes së një zgjidhjeje me Brukselin për rezolutën.

Autoritetet serbe kanë theksuar se janë të gatshme për kompromis, por kanë këmbëngulur në qëndrimin e tyre se Rezoluta nuk mund të shkelë “vijat e kuqe” për Serbinë.

Qëndrimi spanjoll ndaj Kosovës thuhet se mund të ndikojë edhe në zbutjen e tekstit të rezolutës së re, që eventualisht mund të dakordohet me Beogradin zyrtar.
 

< Paraprake		Pasuese >