Qeveria e Shqipërisë, ka intensifikuar përpjekjet e saj, që bashkë me shumë shtete te BE-së dhe SHBA-në, ta sfidojnë Serbinë në Asamblenë e Përgjithshme të OKB-së që do të mbahet në 9 shtator. Për të qenë sa më afër Kosovës, në Asamblenë e Përgjithshme të OKB-së, shteti shqiptar, sic shkruan sot e përditshmja “Zëri”, do të përfaqësohet nga nivelet me të larta shtetërore. Në Asamblenë e Përgjithshme të OKB-së, do të jenë, Kryeministri, Presidenti dhe Ministri i Punëve të Jashtme i Shqipërisë. Kjo sipas, zv. ministres së Punëve të Jashtme të Shqipërisë, Edit Harxhi, tregon angazhimin që ka Shqipëria për t’i ndihmuar Kosovës, ta sfidojë Serbinë edhe në OKB. Po ashtu, me datë 25 dhe 26 gusht në Shqipëri, sipas Harxhit, do të mbahet Konferenca e Ambasadorëve të Shqipërisë, me rast do të marrin direktiva se si ata duhet vepruar për Kosovën. Zv. ministrja e Jashtme, Vlora Citaku, beson fuqishëm që Kosova do të dal fitimtare, sikur në GJND, gjithnjë duke pasur parasysh mbështetjen nga vendet perëndimore pa anashkaluar edhe Shqipërinë.

 

< Paraprake		Pasuese >