Serbia nuk do të dorëzohet në luftën për Kosovën edhe në rast se rezoluta e saj në asamblenë e përgjithshme të OKB-së pëson fiasko. Hapi tjetër i diplomacisë në Beograd, sic shkruan e përditshmja Vecernje Novosti, do të jetë dërgimi i çështjes në Këshillin e Sigurimit, ku rezolutat, për dallim nga asambleja, janë obligative. Këtu, Serbia do të llogarisë në mbështetjen e anëtarëve të përhershëm, siç janë Rusia dhe Kina, të cilat, janë të armatosura me të drejtën e vetos. Një burim nga qarqet diplomatike në Beograd i ka thënë kësaj gazete se mos-kalimi i rezolutës në asamble do të jetë edhe një betejë e humbur, por jo edhe krejt lufta. Por, problemi i cili nuk do të jetë i lehtë për t’u kapërcyer është se edhe Rusia, por edhe Kina do të ishin në një pozitë shumë të vështirë dhe pa argumente, për të mbështetur Serbinë, në rast se rezoluta e saj dështon të miratohet në shtator.
 

< Paraprake		Pasuese >