Serbia vetëm po lodhet duke dërguar rezoluta për Kosovën në OKB, ka thënë shefi i qeverisë së Kosovës Hashim Thaçi. Prishtina, siç tha kryeministri Thaçi, është mëse e përgatitur për t’i dhënë një goditje tjetër dhe pa zhurmë, shtetit serb, pas asaj që përjetoi në GJND. Gjatë mbledhjes së Qeverisë, Thaçi tha se pret njohje të reja për Kosovën tash kur opinioni i GJND-së u dha. Bile njohjet nga vendet e BE-së, sipas Thaçit, janë të interes të rajonit. Në mbledhjen e parë të Qeverisë, pas mendimit të dhënë të GJND-së, Thaçi tha se Gjykata e Botës, i ka hapur rrugën Qeverisë së Kosovës, për të zgjedhur një problem që pret; atë të veriut të Mitrovicës. Ai tha se në këtë pjesë shumë shpejt do të hapet gjykata dhe do të krijohet komuna e re, përmes zgjedhjeve të organizuara nga institucionet e Kosovës.





 

< Paraprake		Pasuese >