Ish-ndërmjetësi i OKB-së në bisedimet për statusin e Kosovës, Albert Rohan ka kërkuar nga pesë vendet e Bashkimit Evropian, që nuk e kanë njohur pavarësinë e Kosovës, qw ta bëjnë këtë. Ai ka theksuar se është koha që të lihen anash të gjitha paqartësitë e mbetura pwrsa i përket statusit të Kosovës. Albert Rohan konsideron se qëndrimi i përbashkët përfundimisht do ta vendosë BE-në në pozicion për të luajtur rolin që duhet ta luajë në rajonin e Ballkanit dhe ta bëjë më të lehtë për liderët politikë të Serbisë që ta pranojnë realitetin e shtetësisë së Kosovës. Sipas tij, derisa Kosova dhe Serbia, të mos i normalizojnë marrëdhëniet, as njëra palë nuk mund të shpresojë se do të anëtarësohen në BE, pasi kërkesë themelore e BE-së është lënia anash të gjitha konfliktet para se të bëhen anëtare. Pas vendimit të GJND-së për Kosovën, Rohan ka bërë thirrje që të shfrytëzohet kjo mundësi për t’iu shmangur paraqitjes së një konflikti tjetër të ngrirë në Ballkan.
 

< Paraprake		Pasuese >