Disa serbë të Zallqit, të kthyer para katër muajsh në Kosovë, nga Serbia, nuk do të jetojnë më në tenda. Qeveria e Kosovës vuri gurë themelin për 13 apartamente banimi në këtë fshat të Istogut.

Serbët thanë se janë të lumtur, ndërsa fqinjët e tyre shqiptarë, e kundërshtuan.

Ata kërkuan që të bëhet evidentimi i tyre, pasi mendojnë se në mesin e të kthyerve ka edhe persona të përfshirë në krime lufte.

Ministri i Punës dhe Mirëqenies Sociale Nenad Rashiq theksoi: “13 shtëpi do të ndërtohen, nga qeveria e Kosovës.

Të gjithë personat e zhvendosur kanë të drejtë të kthehen në tokën e tyre dhe procesi I kthimit do të vazhdoj pa kurrfarë konsultimi”.

Fillimit të ndërtimit të shtëpive, po i gëzohen serbët e Zallqit.

“Jam i lumtur që po më ndërtohet shtëpia e re, edhe pse ajo është e vogël, dhe ka një problem me rrymën”, tha Dragomir Dashiq, banor i Zallqit.

“Këtu janë themelet e shtëpisë së vjetër. Ishin dy shtëpia, e tash po ndërtohen të rejat. Do të qëndrojmë këtu të punojmë tokën sikur më parë”, banori i kthyer Serxhan Komatoviq.

I lumtur dukej edhe zv/kryeministri Hajredin Kuqi, i cili tha se ata që kanë kryer krime, do të ndëshkohen nga drejtësia.

Por për serbët, gjithçka është në rregull pasi që thonë se nuk bënë asgjë të keqe gjatë luftës.
 

< Paraprake		Pasuese >