Ismet Beqiri, anëtar i Kryesisë së Lidhjes Demokratike të Kosovës duke folur për zgjedhjet në këtë parti që pritet të mbahen në vjeshtë, theksoi se i vetmi kandidat për kryetar të partisë mbetet Fatmir Sejdiu.

Ndërsa, në vazhdën e kalimeve të anëtarëve të një parti, në parti tjetër, të premten u bë e ditur se 11 anëtarë të Kryesisë së Lidhjes Demokratike të Dardanisë në Kamenicë kanë kaluar në LDK.

Ramë Manaj, sekretar i përgjithshëm i LDK-së theksoi se partia po rritet dita ditës, dhe kjo për faktin se sipas tij vazhdon ta ruhet filozofia rugoviane.

Të kthyerit në partinë qe e kanë lënë në 2006, thanë se motivi i vetëm ishte bashkimi.

Ndërkaq, zyrtarë të kësaj partie, duke u shprehur lidhur me arrestimin e Ilir Tolaj, theksuan se LDK përkrah dhe do të vazhdojë të përkrah sundimin e ligjit.
 

< Paraprake		Pasuese >