Angazhimi këmbëngulës i deputetit Miletiq për një jetë më të mirë të gjithë qytetarëve të Kosovës pa dallim etnie e besimi, bëri që ai të ketë respektin e qytetarëve anekënd Kosovës, por jo edhe të atyre që nuk u përshtatet rendi dhe ligji. Këto janë fjalët që zgjodhi presidenti Fatmir Sejdiu, në një komunikatë për media, ku dënoi sulmin deputetit të Partisë së Pavarur Liberale dhe kryetarit të Grupit Parlamentar të kësaj partie në Kuvendin e Kosovës,
Petar Miletiq, drejtues i Këshillit Konsultativ për Komunitete, i cili vepron në kuadër të Zyrës së Presidentit të Republikës, u sulmua të martën në mëngjes para banesës së tij, nga persona ende të paidentifikuar.
Duke kërkuar nga institucionet përgjegjëse që të punojnë për zbardhjen sa më të shpejtë e këtij rasti, presidenti i dëshiroi deputetit shërim sa më të shpejtë, dhe kthim në detyrën e tij. Institucionet e Kosovës janë të vendosura që ta çojnë deri në fund luftën kundër çfarëdo forme të krimit, e cila cenon jetën e qytetarëve dhe rrezikon stabilitetin e vendit, theksoi presidenti Sejdiu

< Paraprake		Pasuese >