Policia malazeze në pikën kufitare me Kosovën në Kullë dhe një tjetër në pikën kufitare me Bosnjë-Hercegovinën ka arrestuar një shtetas kosovar dhe një sllovene, për të cilët Interpoli slloven dhe ai gjerman kishin shpallur fletarrest ndërkombëtar. Shtetasi kosovar është Burim Delia 29 vjecar, shtetasja e Sllovenisë është Dijana Cvetanovska 39 vjecare.

Zëdhënësja e Drejtorisë së Policisë malazeze, Tamara Raleviq ka thënë se kosovari Burim Deliu nga Gjilani, kërkohet nga Interpoli i Visbadenit të Gjermanisë. Thuhet se ndaj shtetasit kosovar atje është hapur procedura për pjesëmarrje në hajdutëri.

Ndërkaq Dijana Cvetanovska në Slloveni akuzohet për vepra penale, kalim ilegal të kufirit shtetëror dhe pjesëmarrje në trafikim me qenie njerëzore. Raleviq ka kumtuar se Cvetanovska është dorëzuar në Gjykatën e Lartë në Podgoricë, ndërsa Delia në atë të Bijelo Poles, të cilëve u është caktuar paraburgimi ekstradues. Nuk bëhet e ditur nëse të dy të arrestuarit kishin veprimtari të përbashkët.

< Paraprake		Pasuese >