Pakënaqësitë me ligjin aktual për zgjedhjet, mblodhën të hënën përfaqësuesit e të gjitha partive që janë pjesë e kuvendit.

Ata duan ndryshimin e disa neneve që sipas tyre janë të paqarta. Për këtë themeluan edhe një grup punues.
Por, takimi i parë, nuk la mbresa të mira.

Përvecc me ligjin Ibrahim Makolli i AKR-së, u nda i pakënaqur edhe me dicka tjetër. Ai tha se në këtë grup, ekziston mundësia e mbivotimit nga PDK-ja, e cila ka 3 përfaqësues, 2 prej të cilëve, Hajredin Kuçi e Bahri Hyseni kanë të drejtë vote, ndërsa Flora Brovina është në rolin e këshilldhënëses.

Por, Flora Brovina sqaron se nuk ka ardhur të përfaqësojë PDK-në, por tjetër gjë. “Kam ardhur në emër të grupit jo-formal të grave të Kuvendit të Kosovës, dhe se do të përfaqësojë votueset femra”, ka thënë ajo. E përfaqësuesi i PDK-së, Hajredin Kuçi tha se, ky grup punon me konsensus dhe obligimi i tij është të jap vetëm këshilla.

Në takim u kërkua që të sqarohet nëse do të ketë vetëm amandamentim të këtij ligji, apo nëse do të rishikohet sistemi zgjedhor. Gjatë javës së ardhshme ky grup do të mblidhet prapë, e njëra nga çështjet që pritet të diskutohen është edhe niveli i pragut zgjedhor, dhe mundësia që Kosova të ketë më shumë se 1 zonë zgjedhore.
 

< Paraprake		Pasuese >