Presidenti Fatmir Sejdiu u ka bërë thirrje përfaqësuesve në Forumin Ekonomik Islamik Ndërkombëtar që të investojnë në Kosovë pasi sipas tij vendi ofron mundësi për afarizëm të suksesshëm.

Legjislacioni modern dhe në përputhje të plotë më strandartet evropiane dhe ndërkombëtare, janë theksuar nga Sejdiu si parakushte për të thithur investimet.

‘Ky sistem u garanton investitorëve siguri të plotë për investimet e tyre” ka theksuar ai.

Sejdiu ka shtuar se Kosova është e vendosur të shikojë nga e ardhmja për të mirën e qytetarëve të saj, për të mirën e gjeneratave të ardhshme dhe të të gjithë popujve të rajonit.

Ai ka shtuar se Kosova është faktor stabiliteti në rajon dhe ka marrëdhënie të mira me fqinjët dhe shtetet e tjera të botës. Në fjalimin e tij Sejdiu ka theksuar rëndësinë e njohjeve të reja dhe nuk ka mohuar nevojën e fuqishme që i duhet Kosovës për zhvillim të mëtejshëm ekonomik dhe social.
 

< Paraprake		Pasuese >