Afishja e postuar në internet në të cilën shihet fotoja kryeprokurorit Johannes Van Vreeswijk ka ngjallur reagimin e Klubit për Politikë të Jashtme dhe Lëvizjes “FOL”. Ata në një deklaratë të përbashkët kanë dënuar ashpër kërcënimin e sotëm ndaj ushtruesit të detyrës së kryeprokurorit të EULEX-it.

“Afishen e postuar në Internet e shohim si kërcënim të drejtpërdrejtë për prokurorin Johannes Van Vreeswijk, si bartës i luftës kundër krimit të organizuar dhe korrupsionit në Kosovë”, thuhet në deklaratën e KPJ dhe FOL.

në reagim thuhet se përkrahja gjithnjë në rritje e opinionit publik për hapat e fundit të Prokurorisë Speciale të Kosovës dhe EULEX-it është inkurajues, por, për fat të keq, po nxit edhe reaksionin e asaj pjese të errët të shoqërisë sonë që ndihet komode në përdorim te krimit për realizimin e qëllimeve të veta.

“Konsiderojmë se manifestimet e tilla, të shprehura me kërcënime dhe shantazhe, tregojnë se lufta kundër krimit të organizuar dhe korrupsionit në Kosovë ka filluar të prekë cakun e duhur.

I bëjmë thirrje organeve të rendit që të reagojnë urgjentisht për të kapur këta keqbërës, të cilët po dëmtojnë aspiratat e Kosovës për një vend demokratik, ku sundon rendi dhe ligji. Ndërsa prokurorit Johannes Van Vreesëijk i ritheksojme përkrahjen tonë të plotë”, përfundon reagimi i këtyre dy asociacioneve.
 

< Paraprake		Pasuese >