Komuna e Prishtinës rrënoi sot pikën e karburanteve në pronësi të 'Bingo Benz', e cila ndodhet pranë shtëpisë së kryetarit të Prishtinës, Isa Mustafa. Një gjë e tillë u bë më ndihmën e forcave speciale të policisë, me pjesëmarrjen e zjarrfikësve dhe të ndihmës së shpejtë.

Edhe përkundër këtyre masave të sigurisë punëtorët e Bingo Benz nuk rezistuan. Zëdhënësi i Komunës, Muhamet Gashi tha se një gjë e tillë u bë pasi pronari nuk kishte leje pune për të shitur karburante por vetëm vajra.

Mirëpo pronari, ka sqaruar ditë më parë për Klan Kosovën se ka një leje pune, të lëshuar nga Ministria e Tregtisë dhe Industrisë, si dhe një tjetër nga autoritetet komunale të Prishtinës. i tërë operacioni zgjati mbi 2 orë dhe gjatë tërë kohës rruga ishte e bllokuar.
 

< Paraprake		Pasuese >