Federata e Sindikatës së Bujqve të Kosovës, të hipur me traktorë, protestuan sot para ndërtesës së Qeverisë dhe asaj të Kuvendit. Rreth orës 12, nga të gjitha anët e Kosovës, bujqit paraqitën 16 kërkesat e tyre.

Ndër të tjera, ata kërkojnë që 10 përqind e buxhetit të Kosovës të ndahet për bujqësi, ndërsa kërkojnë edhe formimin e agrobankës, ekstra subvencione për sektorin e qumështit dhe naftës, ndalimi i importit nga Serbia, e deri tek miratimi i ligjit të punës, sigurimi shëndetësor dhe pensional, si dhe themelimi i një instituti shtetëror që do të bëjë analizat e tokave bujqësore.

Organizatorët u shprehën këmbëngulës se protestat nuk do të ndërpriten, derisa qeveria të mos marrë parasysh kërkesat e tyre.
 

< Paraprake		Pasuese >