Korrupsioni si dhe ndërhyrja e qeverisë kosovare në forcat e rendit e sigurisë dhe në gjyqësor, u vlerësuan si shqetësuese nga Departamenti amerikan i Shtetit.

Në raportin e tij vjetor thuhet se korrupsioni në Kosovë është problem serioz ndërsa qeveria nuk po zbaton ligjin për ndëshkimin e zyrtareve të korruptuar në mënyrë efikase.

Korrupsioni thuhet të jetë i i pranishëm dhe në gjyqësor, derisa sistemi i gjykatave nuk është efikas. Ndërkaq, lidhur me lirinë e fjalës dhe të mediave raporti konstaton se nuk ka pasur censurë të drejtpërdrejtë mbi mediat e shkruara, apo ato elektronike.

Por, pavarësisht këtij fakti, gazetarët kanë raportuar për presione nga politikanët apo krimi i organizuar, të cilat shpesh kanë rezultuar në forma indirekte të censure. Raporti nënvizon se ka rënie të dhunës ndëretnike, por problem mbeten strukturat paralele të Serbisë.
 

< Paraprake		Pasuese >