Burime të Klan Kosovës, kanë bërë të ditur se sekretariati për Mitrovicën i Punëve të Brendshme të Republikës së Serbisë, këtë ekip e sheh si problem dhe kërcënim për serbët lokalë.

Në këtë takim është kërkuar nga policët serbë të MUP-it dhe ata të Policisë së Kosovës që të përcillet gjendja në teren e posaçërisht lëvizjet e KFOR-it amerikan që kanë shkuar në Leposaviq.

Kërkesë e veçantë ishte të mos dërgohen pjesëtarët e Policisë së Kosovës, të nacionalitetit Serb, në trajnime të ndryshme në Vushtrri dhe të mos pranohen kartelat e reja policore të lëshuara nga Prishtina.

Po ashtu, u rekomandua edhe mospërfillja e zinxhirit komandues të Policisë së Kosovës, në veçanti, shqiptarëve. Për mospërfillje të këtyre urdhrave të Beogradit, policët do të ndëshkohen me zbritje nga paga e MPB-së së Serbisë.

< Paraprake		Pasuese >