Kreu i sapozgjedhur i Kishës Ortodokse Serbe, Patriarku Irinej e ka cilësuar pozitën aktuale të serbëve të Kosovës, si tragjedinë më të madhe të botës së sotme. Në një intervistë për të përditshmen serbe Vesti, ai ka thënë se këta serbë janë duke jetuar në kushtet më të rënda, që kanë ekzistuar ndonjëherë në Kosovë. Sipas tij, tragjedia qëndron në atë se autoritetet e fuqishme e dinë mirë këtë gjendje, mirëpo bëhen gjoja se nuk e shohin as nuk dinë gjë për të. Ai thotë se, këto autoritetet janë pozicionuar në anën e shqiptarëve që i kanë dëbuar serbët nga Kosova për më se 100 vite. Kreu i kishës tha se për serbët që duan të kthehen nuk kanë gjasa ta bëjnë një gjë të tillë, ndërsa ata që jetojnë në Kosovë, nuk janë të sigurt nëse mund të kthehen të gjallë, nëse dalin nga shtëpitë e tyre.

< Paraprake		Pasuese >