Parlamenti i Serbisë, miratoi Ligjin për buxhetin e vitit 2010, ku nga ky buxhet për Ministrinë Serbe për Kosovën janë ndarë rreth 42 milionë euro, prej të cilave një pjesë e madhe do t’u dedikohet projekteve të ndryshme në Kosovë.
Këtë lajm e konfirmoi për Radion Evropa e Lirë, sekretari shtetëror në të ashtuquajturën Ministri për Kosovën, Oliver Ivanoviq, i cili theksoi se, përveç këtyre mjeteve, do të këtë investime shtesë për Kosovën, ngase, siç tha ai, secila ministri në Qeverinë e Serbisë ka buxhet të veçantë për Kosovën.
Sipas Ivanoviqit këto mjete do t’i dedikohen komunave të banuara me serbë, por jo edhe atyre që janë krijuar me procesin e decentralizimit në Kosovë – sipas pakos së Ahtisaarit, të cilin Serbia nuk e njeh.

< Paraprake		Pasuese >