Të akuzuarit Rrustem Mustafa, Latif Gashi dhe Nazif Mehmeti, të njohur si Grupi i Llapit, duhet të shpallen fajtorë për tri pika të aktakuzës.

Kjo është kërkesa e prokurorit të çështjes Robert Din, bërë në shqyrtimin e sotëm që u zhvillua në Gjykatën e Qarkut në Prishtinë.

Ai tha se tre të akuzuarit duhet të shpallen fajtorë
për pikën 5 - mbajtjen në mënyrë të paligjshme të të ndaluarëve në qendrën e ndalimit në Llapashticë, pikën 8 - për rrahje dhe torturimin e të ndaluarëve dhe për pikën 14 - për rrahjen e serbit Millan Stankoviç, nga ana e Latif Gashit.
Din tha se, “në bazë të dëgjimit të dëshmitarëve dhe provave tjera, janë vërtetuar të gjitha faktet dhe janë plotësuar kushtet që ata të shpallen të fajshëm, për kryrjen e këtyre veprave”.

< Paraprake		Pasuese >