Një person i cili dyshohet se vrau mbrëmë në lagjen Ulpiana, Blerim Burhanin, u arrestua gjatë ditës së sotme në pikën kufitare në Vermicës.
Sipas policisë i arrestuari është Arben M. i moshës 30 vjeçare nga Shqipëria. Ai është arrestuar derisa po tentonte të kalonte pikën kufitare për në Shqipëri me një makinë të tipit Golf. I njëjti pasi është arrestuar është dërguar në mbajtje për 48 orë, ndërkohë që në afatet e parapara do të dërgohet para organeve të drejtësisë.
Vrasja e Blerim Burhanit nga Prishtina, ndodhi mbrëmë në orët e vona në lagjen Ulpiana të kryeqytetit. Sipas burimeve jo zyrtare dhe dëshmitarëve ai u qëllua me thikë disa herë nga disa persona, në momentin kur po dilte nga një kafene. Shkaqet e kësaj ngjarje nuk janë bërë të ditura nga policia, por mësohet se ishin për motive të ulëta.

< Paraprake		Pasuese >