( 0 Votes )Kryeministri, Hashim Thaçi do të takohej me presidentin e Serbisë, Boris Tadiq, vetëm me kusht që në agjendë të takimit do të ishte njohja e pavarësisë së Kosovës. Ky është qëndrimi i shefit të ekzekutivit kosovar të cilin e përcjell të dielën gazeta “Express”. Thaçi i ka deklaruar kësaj të përditshme se takimi në mes tyre nuk do të duhej të kuptohej si betejë për ta mundur njëri –tjetrin, Kosova Serbinë, ose e kundërta, sepse kjo betejë është mbyllur në qershor të vitit 1999 dhe rezultatin e di e gjithë bota. Sipas tij, takim eventual mund t’i shërbejë të ardhmes më të mirë të qytetarëve të të dy vendeve.
 

( 1 Vote )Shkollat serbe të komunës së Prishtinës do ta ndërprejnë mësimin për një javë për shkak të motit të ligë dhe temperaturave të ulëta.
Kuvendi komunal paralel i Prishtinës, ka njoftuar nëpërmjet një kumtese se mësimi nuk do të mbahet nga 6 deri më 10 shkurt.
Ky vendim është marrë të dielën në mbledhjen e këtij institucioni ilegal me rekomandimin e ministrit të arsimit të Serbisë, Zharko obradoviq
 

( 1 Vote )Shaip Muja do ta ketë më lehtë që ta braktisë vetë Komisionin për Punë të Jashtme, se sa t’ia arrijë qëllimit për ta shkarkuar Albin Kurtin nga pozita e kryetarit të këtij komisioni.Së paku tre anëtarë të Komisionit të Jashtëm, të cilët janë njoftuar me shkrim me “synimin” e deputetit Muja, dy publikisht, e i treti në kushte anonimiteti, kanë deklaruar se të drejtën për shkarkim të Kurtit nga kryetari i komisionit e ka vetëm grupi parlamentar i “Vetëvendosjes”, shkruan “Koha Ditore”.Kështu, sipas tyre, është e përcaktuar me Rregulloren e Punës së Kuvendit dhe me një “marrëveshje të panënshkruar” që është arritur ndërmjet subjekteve parlamentare kur është bërë ndarja e komisioneve.


 

( 0 Votes )Presidentja e Republikës së Kosovës zonja Atifete Jahjaga, gjatë qëndrimit të saj në Mynhen të Gjermanisë, ku po merë pjesë në Konferencën e 48 të Sigurisë, u takua me Ministrin e Jashtëm të Turqisë, Ahmet Davutoglu.Presidentja Jahjaga dhe Ministri Davutoglu, diskutuan për raportet në mes të dy vendeve, zhvillimet më të fundit në Kosovë, për procesin e përmbylljes së mbikëqyrjes së pavarësisë, procesin e dialogut teknik ndërmjet Republikës së Kosovës dhe Republikës së Serbisë, njohjet e reja të Republikës së Kosovës si dhe për bashkëpunimin ekonomik dhe shkëmbimin tregtar në mes të dy vendeve.Gjatë takimit, Presidentja Jahjaga e vlerësoi lartë mbështetjen e Turqisë dhënë Republikës së Kosovës dhe kërkoi nga ministri Davutoglu vazhdimin e mëtejshëm të kësaj përkrahjeje për të siguruar njohje të reja për Kosovën me theks të veçantë te disa vende të Lindjes së Mesme.