Werder Bremen është bërë mace e zezë për Hamburgun. Pasi e eliminoi nga Kupa e UEFA-s, Verder I shkaktoi edhe një disfatë skuadrës së Martin Jolit duke ia zbehur gjasat për titull në Bundesligë. Të dy golat në fitoren e Werderit 2:0 I realizoi sulmuesi portugez Hugo Almeida. Hamburg mbetet në vendin e 6-të me 6 pikë mbrapara dy liderëve Volfsburgut dhe Bayernit. Bavarezët shfrytëzuan disfatën e rëndë të ujqëve nga Shtutgart në ndeshjen ku shkëlqeu Mario Gomez. Bayern ka gjasa të mëdha për titull pas fitores në Cottbuss por ka goldallim më të dobët se Wolfsburg.  Fitore shumë me vlerë ka shënuar skuadra e rrezikuar Borussia Monchengladbach e cila arriti të mposht Schalken me një gol të realizuar në sekondat e fundit. Ajo që vlen të përmendet nga Bundesliga gjermane veç formës së Shtutgartit, është edhe ajo e jashtëzakonshme e Borrusisë së Dortmundit e cila nuk ka pësuar që 7 javë. Borussia ka 5 pikë më pak se Bayern dhe Wolfsburg, nëse jo për titull, gjasat reale janë që kjo skuadër të depërtojë me anë të kualifikimit në edicionin e ardhshëm të Ligës së Kampionëve.

Shtoje në: