Paris Hilton ka sërish telashe me policinë.

Kësaj radhe, autoritetet në Las Vegas thonë se pasanikja është arrestuar për posedim të kokainës.

Bukuroshja 29 vjeçare ishte në një veturë, që po e ngiste një mike e saj, kur policët e ndaluan pasi dyshonin se në të gjendej marihuanë.

Por pas analizave, doli se bëhet fjalë për kokainë.

Këto probleme për Hilton vijnë pas arrestimit të saj në Afrikën e Jugut, gjatë Kupës Botërore, kur ajo u gjend me marihuanë, por nuk u padit.

Telashin më të madh me forcat e rendit ajo e pat në vitin 2007, kur është dënuar me 45 ditë burgim, për vozitje nën ndikim të alkoolit.

Ajo qëndroi prapa grilave vetëm 22 ditë, për shkak të siç ishte thënë, sjelljeve shembullore brenda.
 

< Paraprake		Pasuese >