Të paktën 140 persona vdiqën dhe rreth 1 mijë të tjerë u plagosën rëndë si pasojë e esklamimit të protestave në mes policisë kineze dhe minoritetit ujgur.
Kjo tragjedi ndodhi të hënën në rajonin autonom Xinijang.
Qindra persona të tjerë u raportuan të arrestuar nga policia vendase.Shkas i eskalimit të situatës thuhet të jetë rritja e tensioneve etnike në mes ujgurëve dhe kinezëve. Autoritetet vendore fajësuan minoritetin mysliman ujgur, të cilët sipas tyre kanë provokuar incidentin më të rëndë etnik prej vitesh për sa i përket këtij rajoni.Agjencia shtetërore kineze lajmëroi se ka arrestuar më shumë se dhjetë persona kyç, të cilët sipas, tyre kanë dirigjuar të gjithë këtë incident.
Dëshmitarët okularë thanë se e gjithë protesta kishte filluar me më shumë se 100 persona, dhe më pas ishte rritur në mbi 1 mijë. Sipas tyre protestuesit në fjalë kanë qenë të armatosur me armë të ftohta dhe janë ndeshur me autoritetet vendase.Rajonin autonom Xinijang gjendet në pjesën veriperëndimore të Kinës. Në këtë rajon thuhet se jetojnë një pjesë e madhe e popullatës myslimane. Kjo pjesë autonome kineze kufizohet me republikat myslimane aziatike si Pakistanin, Afganistanin, Kazakistanin dhe Mongolinë.

< Paraprake		Pasuese >