Dy shpërthime të fuqishme ngjanë të hwnwn në kryeqendrën e Irakut Bagdad, me ç’rast 5 persona vdiqën dhe dhjetëra të tjerë u lënduan.
Shpërthimi i parë ndodhi në lagjen Sader City të Bagdadit, ku tre civilë humbën jetën dhe 12 të tjerë u plagosën. Vendi në fjalë është një vendbanim i komunitetit Shija, ndërsa shkaku thuhet të ketë qenë rivaliteti ndërsektar.
Pak orë më vonë në një lagje tjetër të Bagdadit gjatë një shpërthimi humbën jetën edhe 2 persona të tjerë. Sulmi ndodhi në lagjen Habibija ndërsa viktimat sipas medieve thuhet të jenë të mitur.Dhuna në Irak është intensifikuar gjatë javës së fundit. Ditë më parë në Kirkuk humbën jetën më shumë se 70 persona.

< Paraprake		Pasuese >