Presidenti amerikan Barack Obama të hënën bëri të ditur planin e investimeve në gjashtë vitet e ardhshme.

Shuma prej 50 miliard dollarësh ka për qëllim ringjalljen e ekonomisë dhe rindërtimin e infrastrukturës së vjetëruar, siç janë rrugët, hekurudhat dhe aeroportet.

Sipas Obamës, vendi i tij me këto fonde do të ndërtojë 150 mijë kilometra rrugë, që është njësoj sikur të udhëtosh gjashtë herë rreth botës.

Gjatë kësaj periudhe gjithashtu do të hapen mijëra vende të reja pune.

Obama paraqiti këtë plan në një tubim në Clevelent, ku disa mijëra mbështetës brohorisnin pas secilës fjali të Obamës, sidomos kur ai tha se SHBA-ja nuk mund të kenë një ekonomi të fort pa një klasë të mesme të fortë.




 

< Paraprake		Pasuese >