Parlamenti Europian ka vlerësuar se Shqipëria dhe Bosnja kanë plotësuar kushtet e vendosura për liberalizimin e vizave.

Sipas raportit të paraqitur nga raportuesja Tanja Fajon, me këtë vlerësim s’ka më arsye për zvarritje.

Raporti përfundimtar pritet t’i dërgohet më 12 shtator Komisionit Evropian dhe tre ditë më pas Parlamentit Evropian, pë t’iu dërguar më pas vendeve antare të BE-së, ministrat e brëndshëm të së cilës do të japin vendimin e tyre më 7-8 nëntor.

Nëse ai del të jetë pozitiv atëherë pritet që brenda këtij viti Shqipërisë dhe Bosnje Hercegovinës t’i hiqen vizat drejt vendeve të Shengenit. Simon Bussutil nga Partia Popullore ka theksuar se si grupim janë të gatshëm që të mbështesim procesin e liberalizimit të vizave për dy vendet.

Mediat shqiptare në Bruksel bëjnë të ditur se ekstremistët u shprehen kundër liberalizimit duke shpjeguar se regjimi i lirë do t’u mundësonte kriminelëve shqiptarë të vijonin trafikun e tyre në BE. Por përfaqësuesja e Komisionit garantoi se edhe pas marrjes së vendimit për heqjen e vizave, proçesi monitorues ndaj dy vendeve të Ballkanit do të vijojë.

< Paraprake		Pasuese >