Nuk kanë të ndalur skenat kanibale në Meksikë. Autoritetet e këtij vendi gjetën edhe 72 trupa të pajetë, në veri të vendit.

Së pari u gjetën dy trupa në Chilipancingo.

Më pas u raportua se u gjetën edhe 19 të tjerë në Hidalgo afër Meksiko City. Trupat e pajetë, të cilët u vranë mizorisht nga një klan i ri i Drogës që vetëquhet si Karteli i Sierras do të ishin vetëm fillimi i akteve mizore.

Autoritetet meksikane gjetën edhe 72 trupa gjatë orëve të para të së mërkurës në qytetin verior të San Fernandos. 

58 viktima janë meshkuj ndërsa 14 janë femra.

Hetimi në këtë vend nisi kur një shtetas i plagosur i Meksikës kishte lajmëruar armatën se ishte qëlluar me armë zjarri nga persona të armatosur të një karteli të drogës. 

I gjithë vendi është mbushur me pjesëtarë të policisë e armatës. Ngjarjet e tilla në Meksikë kanë shqetësuar qytetarët.

Në katër vitet e shkuara, si pasojë e luftës së bandave të drogës kanë humbur jetën më shumë se 28 mijë persona.

 

< Paraprake		Pasuese >