Në Afganistan dhe Pakistan ngjanë shpërthime dhe përleshje. Rreth 19 raportohet të jenë vrarë.
Kandahari vazhdon të jetë objektiv i forcave talebane.

Si pasojë shpërthimit të një bombe, të premten u vranë nëntë civilë afganë.
Bomba u aktivizua në distriktin Mayvand, tek sa po kalonte një minibus.
Shpërthimi kishte për qëllim forcat aleate që janë te koncentruar në këtë pjesë të Afganistanit, ku gjendet baza më e madhe ushtarake amerikane.
Ndërkohë, në Pakistanin fqinj nuk pati shpërthime por përleshje mes militantëve dhe forcave vendase.Të paktën 10 militantë talebanë, raportohet të kenë vdekur, në luftimet që ngjanë në rajonin e Mazarkhel që gjendet në Vaziristanin verior.

Në mesin e viktimave besohet të jenë edhe tre anëtarë të grupit të Hakimullah Mehsud Tehrik.
Nuk është raportuar për ndonjë viktimë nga radhët e autoriteteve pakistaneze.
Forcat pakistaneze dhe Aleanca Veriatlantike, kanë paralajmëruar një ofensivë tjetër kundër militantëve talebanë, të cilët veprojnë në rajonin kufitar në mes dy vendeve fqinje.

< Paraprake		Pasuese >