Një hulumtim i realizuar së fundi ka treguar se banorët e Greqisë janë në vendin e parë për konsumimin e duhanit në kuadër të Bashkimit Evropian, kurse në vendin e dytë janë banorët e Bullgarisë dhe në vendin e tretë janë renditur ata të Hungarisë.

Kosovapress njofton se hulumtimi në fjalë është realizuar me rastin e 31 Majit, Ditës botërore kundër pirjes së duhanit. Shifrat e nxjerra nga hulumtimi tregojnë se 42 për qind e qytetarëve grekë konsumojnë duhanin dhe prej tyre 47 për qind janë burra dhe 38 për qind gra.

Nga të dhënat shihet se mesatarisht në nivel të Bashkimit Evropian si jo pirës të duhanit janë 29 për qind e të anketuarve dhe prej tyre 35 për qind janë meshkuj dhe 25 për qind e gra.

Ndërkaq, hulumtimi pas Greqisë, në vendin e dytë në listën e duhanpirësve më të mëdhenj i ka renditur banorët e Bullgarisë me 39 për qind, kurse vendin e tretë e kanë marrë banorët e Hungarisë me 38 për qind.

Nga deklarimet e të anketuarve mesatare më e ulët e duhanpirësve është vërejtur në Suedi me 16 për qind dhe në Finlandë me 21 për qind.
 

< Paraprake		Pasuese >