Komisioneri për Zgjerim në Komisionin Evropian Štefan Füle ka shprehur bindjen e tij se Shqipëria eshtë shumë pranë liberalizimit të vizave.
Ai ka cituar vlerësimin e vendeve antare të parlamentit Evropian të cilat kanë thënë se Shqipëria ka arritur progres të shkëlqyer në përmbushjen e udhërrëfyesit.

“Kanë mbetur dy ose tre cështje në të cilat ende duhet të punohet, por mendoj se ka parakushte që kjo të arrihet përmes shqyrtimit të Parlamentit Evropian dhe Këshillit të Evropës, në fund të këtij viti, duke konsideruar rekomandimet relevante të komisionit të bazuara në arritjet mjaft të mira të Shqipërisë.

Jam plotësisht i bindur se kjo ka krijuar një shkëmbim të pikëpamjeve në aspektin rajonal”, ka thënë Komisioneri për Zgjerim Štefan Füle. Deklarata e tij vjen pas takimit të tij me Ministri i Punëve të Jashtme Ilir Meta në Bruksel me të cilin ka diskutuar për prespektivën e Shqipërisë në liberalizimin e vizave dhe pjesëmarrjen e vendeve të Ballkanit në Samitin e Sarajevës.

Marrëveshja për lehtësimin e vizave për Shqipërinë hyri në fuqi në janar të vitit 2008 derisa marrëveshja e stabilizim asociimit më shumë se një vit më vonë. Ndërkohë, Shqipëria parashtroi aplikimin për antare në Bashkimin Evropian më 28 prill 2009.
 

< Paraprake		Pasuese >