Parada e dy ditëve më parë gjatë manifestimit të pavarësisë së Greqisë, shfaqi skandalin e rradhës së ushtrisë greke.

Forcat Speciale zhytëse kanë bërë thirrje skandaloze kundër shqiptarëve duke thënë “Grek lind, nuk bëhesh kurrë, gjakun tënd do të derdhim, mor derr shqiptar” dhe “Do të bëhet kasaphanë, pastaj do të hakmerremi, kur të adhuroni kishën edhe kryqin”.

Lajmi rrënqethës bëhet i ditur nga gazeta e madhe greke “Elefterotipia”. Ndërkohë menjëherë në Shqipëri erdhën reagimet. Me thirrjet: O sa mire me qene shqiptare" dhe parullat "Greqia, turpi i Evropes" rreth mesditës së sotme një grup nga organizata joqeveritare u vendosën para ambasades greke në Tiranë.

Mediat shqiptare bëjnë të ditur se skandali ngjalli dhe reagimin e qeverisë shqiptare. Ministri i Jashtëm Ilir Meta i quajit skandaloze dhe të dhunshme thirrjet e ushtarëve dhe kërkoi dënimin e autorëve. Në një deklaratë të ministrit grek të Mbrojtjes thuhet se ka nisur hetimi për thirrjet raciste dhe për personat që kënduan gjatë paradës. Ai shtoi se është pezulluar nga puna oficeri i kontingjentit 36 zhytës. E gjitha kjo ndodhi ndërkohë që parada ndiqej në rrugë nga familjarë emigrantë.
 

< Paraprake		Pasuese >