Një shpërthim i fuqishëm, la të vdekur më shumë se 30 persona 150 kilometra larg kryeqytetit të Irakut, Bagdad, në Bakuba. Vepra besohet të jetë bërë nga militantët e Al Qaedas, në prag të zgjedhjeve.

Raportohet se të plagosur kanë mbetur mbi 50 të tjerë. Autoambulancat dhe autoritetet policore të Irakut vërshuan vendin e ngjarjes.

Numri më i madh i viktimave i përkasin komunitetit shiit.
Ndërkaq, mediat në Irak raportuan se sulmi mund të dëmtojë imazhin e Kryeministrit Nuri Al Maliki, i cili është zotuar që fushata parazgjedhore të kalojë sa më qetë.
Ndryshe, Bakuba shpesh herë ka qenë mejdan i shpërthimeve vdekjeprurëse.

< Paraprake		Pasuese >