Selia e shenjtë i ka dërguar një kërkesë të fuqishme qeverisë maqedonase që të mos ndërtojë kishën ortodokse mbi themelet e shtëpisë së humanistes dhe nobelistes me origjinë shqiptare, Nënë Tereza.

"Shkupi 2014" vazhdon të lakohet në Maqedoni. Projekti i koalicionit VMRO-DPMNE dhe BDI i cili ka qëllim reflektimin e popullatës multietnike atje, duket se ka ngjallur reagimin e Vatikanit.

Mediat maqedonase kanë bërë të ditur se me ndalimin e ndërtimit të kishës, nuk do të ketë as edhe xhami në sheshin e Shkupit.

Projekti ka qenë temë debati dhe ka shkaktuar akuza dhe kontradikta edhe në mesin e deputetëve të partive të pozitës dhe opozitës në Maqedoni.

Kryeministri Nikola Gruevski ka theksuar se projekti “Shkupi 2014” ka efektin e angazhimit të fuqisë punëtore, pasi sipas tij, për realizimin e tij do të hapen vende të reja të punës.

< Paraprake		Pasuese >