Të paktën tetë persona gjetën vdekjen si pasojë e një shpërthimi në qytetin Pune, në perëndim të Indisë. Ngjarja tragjike ndodhi në mesditen e së shtunës, ndërsa autoritetet lokale dyshojnë se mund të ketë qenë bombë.

Vendi ku ngjau shpërthimi është një restorant, që ndryshe quhet si furrë gjermane. Mediat bënë të ditur se në momentin e shpërthimit kanë mbetur të lënduar të paktën 33 persona të tjerë.

Një numër i madh i tyre llogariten të jenë turistë.

Autoritetet vendore nuk kanë bërë të ditur nëse ndonjëri nga viktimat është shtetas i huaj. Nëse vërtetohet se në furrën e këtij qyteti është vendosur bombë, atëherë ky do të ishte sulmi më vdekjeprurës që nga sulmet në hotelin Mumbai, më 2008.

< Paraprake		Pasuese >