Irani sot shënon festën më të madhe shtetërore, përvjetorin e 31-të të revolucionit islamik në Teheran. Dhjeta mija qytetarë të Iranit morën pjesë në shënimin e asaj që quhet dhe njihet si festa më e madhe shtetërore.

Për Presidentin Mahmood Ahmadinexhad, armiqtë po e shpërdorojnë çështjen e armatimit bërthamor dhe të drejtave të njeriut për të dominuar në këtë rajon.

Kreu iranian tha se shteti i tij prodhoi sasinë e parë të uraniumit të pasuruar deri në 20 përqind.

Por, përkrahësit e Ahmadinexhadit nuk ishin të vetmit që u ftuan në këtë protestë, aty ishin edhe përkrahësit e liderit opozitar Mirhosin Musavi.

Prania e tyre solli edhe përleshje me autoritetet policore vendase. Në pamundësi të filmimit nga mediet botërore, ky informacion u bë i ditur nëpërmjet faqeve të internetit si Tweeter dhe Facebook.

Në protestë llogaritet të jetë sulmuar opozitari Mehdi Karoubi, ndërsa fatin e njëjtë e kishte edhe ish Presidenti reformator Mohamad Khatami.

Protesta të opozitës pati edhe në qytetet tjera Isfahan, Tabriza dhe Shiraz.

Pasuese >