Ish presidenti amerikan Bill Clinton do të udhëheqë misionin rikuperues në periudhën pas tërmetit në Haiti.
Ky informacion u bë i ditur nga Sekretari i Përgjithshëm i Kombeve të Bashkuara Ban Ki Moon, gjatë një seancë të mbajtur të mërkurën në New York. Ban deklaroi se ka lutur ish Presidentin amerikan që të marrë rolin e koordinatorit gjatë periudhës së ardhshme. I pari i OKB-së vlerësoi se nevoja më e madhe e popullatës në Haiti është strehimi, pasi sezoni i stuhive është vetëm një muaj larg. Ish kreu amerikan do të jetë në Haiti që nga e premtja. Situata në Port o Prens vazhdon të mbetet kaotike. Numri i viktimave nga tërmeti shkatërrues që goditi vendin arriti në 200 mijë.Kombet e Bashkuara aprovuan një injeksion financiar prej 575 milionë dollarëve amerikanë si ndihmë emergjente për Haitin.

< Paraprake		Pasuese >