Qeveria e Haitit të shtunën mori një vendim sa të guximshëm aq edhe dëshpërues. Ata i dhanë fund fazës së kërkimit për persona të gjallë në qytetin e Port O Prense. Lajmi u konfirmua nga misioni i Kombeve të Bashkuara. Sipas një zëdhënësi të këtij institucioni, vetëm 132 persona janë nxjerrë të gjallë pas kërkimeve njëmbëdhjetëditëshe. Numri i viktimave sipas këtij institucioni llogaritet të jetë mbi 110 mijë. Në të njëjtën ditë, më shumë se 1 mijë persona morën pjesë në varrimin e arqipeshkvit të Port O Prens. E të gjallët, ndonëse të pashpresë, po e vazhdojnë jetën e tyre. Ata kaluan natën e 12 nën qiellin e hapur. Fakti që tërmeti goditi këtë vend nuk do të thotë se qytetarët nuk mund të argëtohen. Më tepër se 1 milionë njerëz janë prekur nga dridhja e tokës në Port o Prens të Haitit.

< Paraprake		Pasuese >