Tatuazhet bëhen gjithandej nëpër trup dhe nuk kursehen as pjesët intime. Adhuruesit e këtij arti u mblodhën në Konventën Ndërkombëtare të Tatuazhit në Bankok të Tajlandës, për të parë punën e dhjeta artistëve dhe për të diskutuar rreth dashurisë së përbashkët për vizatimin trupor. Metodat që ishin shfrytëzuar për këto tatuazhe ishin të ndryshme, nga ato modernet me makina elektrike, deri te tjerat tradicionale, me gjilpërë. Në mesin e artistëve të pranishëm ishte edhe Arjan Noo, një artist tajlandez që bëri një vizatim në trupin e superyllit hollivudian Angjelina Xholi. Festivali tërhoqi entuziastë të cilët po ashtu patën mundësi të shohin përreth dhe të zgjedhin për vete ndonjërin nga disenjet që u pëlqeu më së tepërmi. Tatuazhet janë një lloj arti me trupin e njerëzve që daton mijëra vjet më parë, por që ka shënuar një ringjallje pasi që shumë të rinj i pëlqejnë ato për t’u treguar më në modë.

< Paraprake		Pasuese >