Anëtarët e kolonive Hebreje, të martën janë përleshur me forcat Izraelite, pasi që këta të fundit aplikonin vendimin e qeverisë për ti ngrirë ndërtimet për 10 muajt e ardhshëm.

Në videon amatore të bërë publike nga Reutersi shihen Protestuesit hebrej duke ndërtuar barrikada për ti pamundësuar hyrjen e inspektorëve në enklavat Hebreje. Kjo për disa momente shkaktoi kacafytje ndërmjet banorëve dhe policisë, ku me këtë rast edhe u arrestuan disa persona.

Kryeministri Izraelit Benjamin Netanyahu, muajin e kaluar urdhëroi pezullimin e ndërtimit të kolonive në Bregun Perëndimor. Por kjo ndalesë nuk përfshin ndërtesa publike, të 3 mijë shtëpi tashmë me leje ndërtimi dhe Jerusalemin Lindor.
Pas shpalljes së ndalesës, Netanjahu siguroi 300mijë hebrenj në kolonin e bregut perëndimor, se rritja natyrore e komunitetit të tyre nuk do të ndalet, përfshirë edhe ndërtimin e shkollave dhe objekteve tjera publike. Presidenti Palestinez Mahmoud Abbas kërkon ndaljen e tërësishme të ndërtimeve, përfshirë edhe në Jerusalemin lindor, si kusht për ti vazhduar bisedimet paqësore.

< Paraprake		Pasuese >