( 0 Votes )Qendrat e votimit nëpër mbarë Finlandën janë hapur ditën e diel, në raundin e dytë te zgjedhjeve presidenciale. Favorit për të fituar është kandidati pro-evropian, Sauli Ninistos, nga partia koalicioni kombëtarë. Deri tash, është raportuar për numër të vogël të votuesve. Ndikim në këtë besohet të kenë temperaturat e ulëta, që në mëngjesin e hershëm kanë shënuar -30 gradë celsius. Veç Ninistos në garë për president është edhe kandidati i partisë së gjelbër, Peka Havisto. Në bazë të anketave, shumica e votuesve presin reforma ekonomike. 

( 0 Votes )Tajvani e ka shënuar ditën e dragoit duke lëshuar në qiell mijëra fenerë, të cilët kanë dhënë një pamje të mrekullueshme natën midis të shtunës dhe të dielës. Kjo iniciativë erdhi një ditë përpara festivalit fanar. Festivali i cili është planifikuar të mbahet më 6 shkurt të këtij viti, festohet natën e parë të hënës së plotë, i cili gjithashtu shënon fundin e festës së vitit të ri. Nëpërmjet fenerëve, qytetarët e grumbulluar u munduan të përcjellin mesazhin se dragonjtë në qiell ofrojnë mbrojtje për Tajvanin. Pjesëmarrësit në këtë ngjarje, veç lëshimit të fenerëve kryen edhe shumë ceremoni lutjesh 

( 0 Votes )Dhjetëra mijëra njerëz kanë marshuar në kryeqytetin e Rusisë në një protestë kundër pushtetit të Vladimir Putinit, ndonëse temperaturat ishin minus 19 gradë celsius.
Kjo është protesta e tretë që mbahet në Moskë me moton “Për zgjedhje të ndershme”, që pas zgjedhjeve parlamentare të dhjetorit, të cilat u kontestuan nga opozita.
Ndërkohë, një tjetër tubim ishte mbajtur në kryeqytetin rus nga mbështetësit e Putinit, i cili më 4 mars do të jetë në garë me dy rivalë të tjerë për postin e presidentit.

( 0 Votes )Grupi i hakerëve të vetëquajtur “Anonymous” ka publikuar në internet një bisedë tejet sekrete mes FBI-së dhe autoriteteve britanike të luftës kundër krimeve kompjuterike. Biseda 16 minutëshe përmbante diskutime mbi bashkërendimin e punës për të luftuar piraterinë online.
Si FBI ashtu edhe Scotland Yard thanë se janë vënë në ndjekje të autorëve.