Lëvizja VETËVENDOSJE ka paralajmëruar se do ta përkrah protestën e organizuar nga Koalicioni ad-hoc i OJQ-ve për Mbrojtje të Qendrës Historike të Prizrenit. Përmes një komunikate për shtyp, kjo lëvizje thotë se do të përkrah të gjitha protestat që kundërshtojnë iniciativa të dëmshme ligjore edhe pse nuk merr pjesë në organizimin e saj. Edhe Lëvizja “Bashkohu” duke iu bashkangjitur kësaj proteste ju bënë thirrje organeve kompetente që ta respektojnë kushtetutën e Kosovës duke mos favorizuar një fe të caktuar. Ndërkohë, organizatorët e protestës sot kanë dhënë detaje rreth këtij organizimi. Protesta që do mbahet nesër do të fillojë në orën 13.00, ndërsa pikë tubimi do të jetë Sheshi Shadërvan në Prizren. Pas fjalimeve që do mbahen protestuesit do të ftohen për të qëndruar edhe 15 minuta në heshtje, si shenjë proteste dhe mospajtimi me projekt-ligjin për Qendrën Historike të Prizrenit.

< Paraprake		Pasuese >