Partia socialiste e Kosovës kërkoi sot nga qeveria dhe Eulex-i, që sa më parë të rikthejnë rendin dhe ligjin në pjesën veriore të Kosovës. Në mbledhjen e rregullt të kryesisë u kërkua që sa më parë të zbulohen dhe të sillen para drejtësisë të gjithë personat e përfshirë në krimin e vrasjes së personave të pafajshëm në veri të vendit, ndërsa me përparësi të bëhet zbulimi i vrasësit të policit në detyrë Enver Zymerit dhe zyrtarit të KQZ-së Shevko Savkoviqit.
Përveq tjerash, kjo parti kërkon me urgjencë të veprohet në zhbllokimin e Urës së Ibrit, e cila një kohë të gjatë pengon lëvizjen e lirë dhe mirëqenien e qytetarëve të Kosovës.

< Paraprake		Pasuese >