Një grua e moshës 85 vjeçare, boshnjake, ka vdekur nga ngulfatja prej tymit si pasojë e një zjarri që kaploi njërën nga dhomat e shtëpisë së saj në rrugën “Tetova” në Lagjen e Boshnjakëve në Veri të Mitrovicës.
Sipas policisë ngjarja ka ndodhur mbrëmë rreth orës 18:50. Mësohet se zjarri u shkaktua nga një qiri që ishte ndezur pas ndërprerjes së energjisë elektrike. Sipas familjarëve trupi i H. Ljackoviç kur u nxor jashtë nuk kishte shenja jete. Po ashtu mbrëmë nga një shpërthim aksidental zjarri në veri të Mitrovicës u dogjën edhe dy automjete dhe dy kioska. Sipas zëdhënësit të policisë Besim Hoti zjarri aksidental nuk ka shkaktuar viktima ne njerëz ndërsa vlera e dëmeve materiale mbetet akoma e pa përcaktuar.

< Paraprake		Pasuese >