Profesorë nga disa komuna të ndryshme të Kosovës, si nga ajo e Prishtinës Deçanit Junikut Podujevës e disa të tjera, kanë zhvilluar të premten një takim ku është paraqitur ideja për krijimin e një sindikate të re të arsimit pas që sipas tyre kjo e tashmja, është skajshmërisht e politizuar. Ata thonë se SBASHK-u nuk i shërben arsimit dhe punëtorëve të kësaj fushe por është në shërbim të interesave partiake dhe të individëve të caktuar.
Këta profesor thanë se se shpejti do të fillojnë procedurat e krijimit të kësaj sindikate dhe presin që ta kenë mbështetjen e të gjithë kolegëve të tyre nga të gjitha shkollat e Kosovës. Për mënyrën e zgjedhjes se organeve drejtuese dhe formën e funksionimit do të merret vësh së shpejti, kur edhe do të mbahet kongresi i parë themelues i kësaj sindikate.

< Paraprake		Pasuese >