Kryeministri Hashim Thaçi, ka mohuar sot faktin se Kosova po heq dorë nga Republika, kur bëhet fjalë për marrëveshjen eventuale me Serbinë, për pjesëmarrje në takimet rajonale dhe ndërkombëtare.
Ai tha se këta zëra që flasin kështu janë zëra të injorantëve, disfatistëve dhe atyre që nuk kanë besuar as në bërjen e Kosovës shtet.
Thaçi tha se Kosova do të përfaqësohet në këto takime sipas modeleve evropiane dhe si të gjitha vendet tjera, por nuk dha detaje se si realisht do të prezantohet dhe çka parasheh marrëveshja.
Sipas tij, Kosova është shtet i pavarur e sovran dhe i tillë do të prezantohet kudo dhe kurdo. "Kushtetuta dhe ligji është krejt çfarë ne mbështetemi e do ti respektojmë" ka thënë kryeministri. Ndryshe ai përsëriti se viti 2012 është viti i sukseseve në rrugën drejt integrimit evropiane. Ai si fillim të kësaj përmendi dialogun për viza, fillimin e përfundimit të mbikëqyrjes së pavarësisë dhe angazhimin e institucioneve kosovare për t’i kryer detyrat që kanë para vetës.

< Paraprake		Pasuese >