Sindikalistët e PTK-së, kanë kundërshtuar propozimin e Ministrit të Ekonomisë, besim Beqaj, për uljen e pagave për punëtorët e Postës. Paralajmërimi i Beqajt, ka irrituar tej mase drejtuesit e Federatës Sindikale të Punëtorëve të PTK-së. Këta të fundit paralajmëruan edhe protesta në rrugë nëse ndodh ulja e pagave. Kryetari i Federatës Sindikale, Milazim Alishiqi gjatë një konference për media tha se PTK-ja është mbështetësi kryesor i buxhetit të Kosovë dhe tendencat për të ulur pagat dhe bllokuar funksionalizimin e saj, janë të rrezikshme. Alshiqi u ka propozuar Bordit të Drejtorëve që mos ta aprovoj asnjë vendim për uljen e pagave dhe zvogëlim të punonjësve të PTK-së, ngase sipas tij, nëse ndodhë një gjë e tillë, do të radikalizohet situata dhe punëtorët do të dalin në rrugë për të kundërshtuar uljen e pagave.

< Paraprake		Pasuese >