Organizata kundër Korrupsionit, Çohu konsideron se Gjyqësia ka shumë probleme ndër të cilat janë edhe vjetërsimi i lëndëve apo parashkrimi i tyre. Me mijëra lëndë penale, sipas Çohut, parashkruhen apo vjetërsohen nëpër gjykatat e Kosovës me arsyetimin e numrit të madh të lëndëve, numrin e vogël të gjyqtarëve dhe stafit administrativ gjyqësor. Këto komente u bënë në një tryezë me temën “Mbyllja e lëndëve penale për shkak të parashkrimit”, të organizuar nga Lëvizja “Çohu”, ku u prezantua raporti monitorues i 14 gjykatave komunale për parashkrimin e veprave penale. Kryetari i Gjykatës Supreme të Kosovës, Fejzullah Hasani tha se çështja e vjetërsimit të lëndëve është shqetësues dhe se ky është një problem i cili i ka përcjellë gjykatat që nga paslufta. Ai po ashtu nuk përjashtoi mundësinë se çështja e vjetërsimit të lëndëve po bëhet në mënyrë të qëllimshme.

< Paraprake		Pasuese >